ជនសង្ស័យម្នាក់ ត្រូវសមត្ថកិច្ចឃាត់ខ្លួន បន្លំស្លៀកឯកសណ្ឋានប្រយុទ្ធរបស់នគរបាលជាតិនិងដាក់ថ្នាំញៀនពីមុខរួចថតបង្ហោះនៅលើអារខោនដែលមានឈ្មោះ(ផុល ផុល)
28-March-2019 | ដោយ ពលមនសិការ
ឧត្តរមានជ័យ៖ ដោយបានទទួលបញ្ជាពីលោកឧត្តមសេនីយ៍ទោ ម៉ែន លី ស្នងការនគរបាលខេត្ត និងដោយមានការសម្របសម្រួលពីលោក កូយកាន់ យ៉ាព្រះរាជអាជ្ញាអមសាលាដំបូងខេត្តនិងកំលាំងផែននគរបាលព្រហ្មទណ្ឌសហការជាមួយកម្លាំងក្រុង សំរោង ដឹកនាំដោយលោក ឧត្តមសេនីយ៍ត្រី ឡឹក សុខា ស្នងការរងនគរបាលខេត្ត បានធ្វើការស្រាវជ្រាវឃាត់ខ្លួនជនសង្ស័យ០១នាក់ ដែលបន្លំស្លៀកឯកសណ្ឋានប្រយុទ្ធរបស់នគរបាលជាតិ និងដាក់ថ្នាំញៀនពីមុខរួចថតបង្ហោះនៅលើអាខោនដែលមានឈ្មោះ (ផុស ផុស) ដោយបានសរសេរចំណង ជើងថា អញចង់ធ្វើអញ្ចឹងទើស ក្បាលអាណា។
ជនសង្ស័យខាងលើឈ្មោះ ភឿ ផុស ភេទ ប្រុស អាយុ២៩ ឆ្នាំរស់ នៅភូមិ ភ្នៀត សង្កាត់សំរោង ក្រុង សំរោង ខេត្តឧត្តរមានជ័យ។
លោកឧត្តមសេនីយ៍ត្រី ឡឹក សុខា ស្នងការរងនគរបាលខេត្តបានឲ្យដឹងថា នៅក្នុងប្រតិបត្តិការឃាត់ខ្លួនជនសង្ស័យខាងលើបានធ្វើឡើងកាលពីវេលាម៉ោង០៦និង៤០នាទីព្រឹកថ្ងៃទី២៧ ខែមីនា ឆ្នាំ២០១៩ ក្នុងនោះសមត្ថកិច្ចយើងបានធ្វើការឆែករកឃើញ ថ្នាំញៀនប្រភេទមេតំហ្វេតាមីន (ម៉ាទឹក កក)០១កញ្ចប់តូច សម្ភារៈប្រើប្រាស់គ្រឿងញៀនមួយចំនួន,ទូរសព្ទ័ដៃ០៤គ្រឿង ឧប្បករណ៍ឆក់ត្រី០១គ្រឿង។
លោកឧត្តមសេនីយ៍ត្រី ឡឹក សុខា ស្នងការរងនគរបាលខេត្តបានឲ្យដឹងទៀតថា បច្ចុប្បន្នកំពុងសាកសួរនិងរៀបចំសំណុំរឿងតាមនីតិវិធី៕
ចំនួនអ្នកទស្សនា
- ថ្ងៃនេះ9461
- ម្សិលមិញ6261
- សប្តាហ៍នេះ27841
- ខែនេះ142991
- ឆ្នាំនេះ142991
- សរុប20585447